埃及冇係一個被古文明洗禮地方，唔親身到現場，實在難以想像。
短短9日，難忘的體驗：
1-紅色警示下成團準期出發，旅行計劃失而復得。
2-紅海游水，十年都唔去海灘一次。
3-住小遊船3晚遊尼羅河，睇住兩岸風景兼日落。
4-坐熱氣球睇日出，空中寧靜無語倫比。
5-四千年前古蹟，建築，壁畫，博物館藏品印象難忘。
6-阿布辛貝神殿，超讚！
7-傻瓜機影咗1300幾幅相，九成都好滿意!
8-天公做美，玩晒所有項目。
9-遇上好領隊-Kelvin & 好導由-Badr.雙人沙龍全靠佢
10-坐咁多程機，竟然冇頭痛
11-埃及餐中食到豆鼓鯪魚!
短短9日，難忘的驚嚇：
1-第一天就delay差唔多8個鐘+機程15個鐘+5個鐘.....個人謝晒兼污糟邋遢!
2-火車個feel好難頂!有幽閉恐懼症!!!
3-有2days 43℃唔係講笑,曬到痴媽根，d風似開住風筒吹埋嚟....
4-成日都污糟邋遢，10幾個鐘冇涼沖。
5-超愛小費厚臉皮，厚到講完第一句說話，第二句就伸手要$。
6-死纏爛打加反口覆舌銷售方式，討厭到冇買手信。
埃及之旅係我NO.1推介!!!!
有以下準備，辛苦都可以玩得很開心
時間-
一年四季都熱架啦.....話6,7,8月最熱......
大部份人都揀冇咁熱時間去，計翻條數熱架時少D人，
睇景點壁畫咪多時間，影靚相又容易D。
做足防曬就OK，而且好多超早出發行程，夏天早午晚温差又細D....
日用品-
著衫：長短袖，長短褲都冇所謂，反正點都係熱。
但個FEEL熱同焗唔過HK，反宜主要睇你怕唔怕曬，
真係曬得好勁，短袖短褲就要多D密D做防曬!!!
衫記得唔好著啡色，黃色，唔係D相睇唔到你。
六七個神廟古蹟，一件T-Shirt一個，咁d古蹟相冇咁悶~~
寬帽 & 絲巾必須，唔帶你實後侮。
食物-
公道說話，埃及食物唔難食，非常簡單。
團餐九成都係buffet，2餐地道餐都好味。
洪加達早餐最有水準，其他buffet一般都係烤雞烤肉同燒魚。
生果絕對ok，甜品榚點就好甜，每餐都吃得飽。
反而埃及架飯就難食，好乾好硬唔容易入口。
火車餐晚&早就真的難食，似乾晒架飛機餐+果個環境，
呢餐真係要ready定，可以整定柸麵罐頭餐。
水-
問題不大，團每日每人一支礦泉水，每餐一支大四人分，
唔夠旅遊巴都有得買，blog友推介寶礦力沖劑洗得，必帶!
問題不大，團每日每人一支礦泉水，每餐一支大四人分，
唔夠旅遊巴都有得買，blog友推介寶礦力沖劑洗得，必帶!
*埃及芒果汁&番茄味薯片好正!
購物&手信-
唯一自由購物點只有樂蜀夜市市集，
卡利里汗因有示威冇去，其實同香港廟街一樣。
一條直街之後你會發覺所賣的都是差不多的東西
都係d T-shirt、小擺設、匙扣之類.....不太吸引，而且有d骯髒。
好彩睇到想買，會用上你好多好多好多時間..........講價!
70%買唔成!!唔使save太多錢購物
跟團-
埃及人工作態度及文化，好難想像自由行點攪....所以跟團最安全。
去過咁多地方，埃及雖然有d辛苦，
我覺得最難忘就係今次喇，歐洲好靚，日本吃喝玩樂shopping.......
但埃及唔只有古文化同沙漠，重有藍天紅海，
身心寧靜,，尼羅河悠閒睇日出、日落等等，
全部冇人工修飾，第二度係唔可以妣美的！
very good
回覆刪除多謝分享！
回覆刪除